Isa ka banwa sa Negros Occidental ang gin-recommend ipaidalom sa orange category sa areas of concern.
Duha naman ka lugar sa Negros Oriental ang gin-recommend sa red category kag isa sa orange category.
Bwas, Miyerkules, natalana ang Regional Joint Security Control Center meeting sang Negros Island Region sa headquarers sang 302nd Brigade sang Philippine Army sa Tanjay sa Negros Oriental.
Suno kay COMELEC NIR Director, Atty Lionel Marco Castillano, gina paabot ang pag recommend sang PJSCC sang Negros Occidental sang banwa sang Candoni nga ipaidalom sa orange category.
Mahimo suno kay Castillano may kaangtanan ini sa armed threat sa lugar.
Sang 2024 may pito ka mga NPA ang napatay sa encounter sa Candoni.
Nalakip sa pagpangusisa sang PNP ang posibilidad sang plano sang grupo nga sunugon ang palm oil plantation sa lugar.
Ang Guihulgan City naman kag La Libertad ang iga-recommend sa red category.
Suno kay Castillano ang pagsunog sang heavy equipment sang isa ka contractor sang rebeldeng NPA ang isa man sa rason sang pag paidalom sa red category sang La Libertad.
Ang Basay naman iga recommend sa orange category bangud sang election related violence sang nagligad.
Ang nabilin nga mga banwa kag siudad sa Negros Oriental ang yellow category bangud sang Barangay kag SK Elections ginpaidalom sa COMELEC Control ang bilog nga probinsya.
Ang Siquijor kag bilog nga banwa kag siudad sang Negros Occidental magluwas sa Candoni ang sa green category naman.
Talakayon man ang merged security plan sang Army kag PNP sa RJSCC.
“(Bakit naging orange ang Candoni sir?) yun ang aalamin ko pa sa presentation nila, allegedly there’s armed threat from the NPA. (recommendation pa lang to Sir? Set to be approved?) yes yun yung recommendation nila, i-approve namin if walang objection. Tapos ipadala, yun ang magiging basis. It will be COMELEC Manila who will approve”, suno kay Castillano