Masobra 50 ka katapo sang Partido Demokratiko Pilipino nag-resign upod kay Mayor Albee Benitez.
Sang nagligad lang nga Biyernes pormal nga nag-submit sang ila mass resignation ang masobra 50 ka mga katapo sang PDP nalakip na diri si Mayor Albee Benitez nga nagaserbe chairperson sang Partido sa probinsya.
Kaupod sang walo ka mga alkalde, lima ka bise alkalde si Leyte 4th District Representative Richard Gomez.
Ginsiling ni Benitez nga kapaslawan sang Partido nga ma-align ang mga tinutuyo sini pati na ang indi pag-imbitar sa ila sa mga pagtililipon ang isa sa mga kabangdanan sang ila pagbiya sa partido.
Ginatun-an na sang grupo ang pagtukod sang alyansa ukon ang pagsaylo sa Partido Federal Pilipinas nga amo ang ginakabig bag-o nga uniteam.
Samtang gin-anunsyo ni Senate Majority Leader Francis Tolentino nga nagaserbe PDP Vice President for Luzon nga si Senator Robinhood Padilla ang mangin masunod nga pamuno sang Partido.