Dugang nga 5-8 million liters a day nga supply sang tubig halin sa Bocal-bocal spring sa Bacolod ang konektado na sa Baciwa – Primewater kag mahimo mapalab-ot sa mga kunsomedor sa sini nga semana.
Gikan sa Bocal – bocal spring sa Barangay Alangilan mahimo na makalab-ot ang dugang nga kapin 5 asta 8 million liters a day nga supply sang tubig sa mga kunsomedor sugod sa Hwebes.
Ini ang ginpahayag ni Mayor Albee Benitez matapos maka-angut na ang pipelines halin sa Bocal-bocal spring asta sa break pressure tank sang Baciwa- Primewater.
Kabahin sa mga lugar nga sarang makabenepisyo ang Villa Angela Subdivision sa Barangay Villamonte, Barangay 27, 28, 29 and 30, Eroreco sa Barangay Mandalagan, Hervias kag villa Ramos pati na sa La Salle Avenue sa Barangay Villamonte.
Ang dugang nga supply sang tubig ang natigayon makaligad sang pagsinapol water summit nga ginpatawag sang alkalde.
Sang nagligad lang nga semana sang nakigsapol ang alkalde kay Local Water Utilities Administration chairman Ronnie Ong angut sa kahimtangan sang supply snag tubig nalakip na diri ang pagtalakay sang joint venture agreement sa tunga sang Baciwa kag Primewater.