Naglab-ot na sa masobra 15,000 tanan ka mga pamilya sa Rehiyon 6 ang apektado sang mga pagbaha dala sang shearline.
Ang shearline amo ang pagtabu-ay sang mainit kag matugnaw nga hangin nga naga dala sang pag ulan.
Suno kay Office of the Civil Defense ukon OCD Spokesperson Cindy Ferrer, ini nga datus gikan pa lamang sa mga Probinsya sang Capiz kag Aklan nga amo ang una nga naka submit sang ila report.
Ang probinsya sang Capiz ang may pinaka madamo nga mga barangay nga apektado sang pagbaha nga naglab-ot tanan sa 37, samtang 14,844 naman ang mga pamilya nga na apektuhan.
Wala sang bagyo ukon low pressure are sa karon sa sulod sang Philippine Area of Responsibility.
Ang shearline ang naga dala sang ulan sa Visayas pero gina paabot nga sa masunod nga inadlaw maga hagan-hagan na ang pag ulan kay ang northeast monsoon ukon ang amihan ang naga hinay naman.
Gina paabot man sang PAGASA nga wala sang kun ano man nga weather disturbance sa Pilipinas sa long weekend.