29 sa 31 ka mga banwa kag siudad sa Negros Occidental ang apektado sang Bagyo Tino sang mag-igo ini sang Martes.
Sa report sang Provincial Disaster Risk Reduction Management Office as of 11am, 134,718 ka persona ang apektado ukon 39,102 ka pamilya.
Sa 11am nga datus sang PDRRMO,52,872 ka persona ang naga pabilin sa nag kalain-lain nga mga evacuation center, 31,779 naman ang yara sagwa sang mga evacuation center.
Samtang, 22 ang gin-report napatay sa Negros Occidental bangud sang Bagyo Tino. Ang missing naman sa probinsya yara sa 41.
Padayon pa ang search and rescue operation sa mga na-missing suno sa otoridad.
Incidents monitored
Nalakip sa mga insidente nga nagluntad sang mag igo ang Bagyo Tino amo ang pagbaha, pagkatumba sang mga kahoy, kag landslide.
Sa Sipalay City nagluntad liwat ang landslide sa bahin sang Camp Valdez sa Brgy Mambaroto Miyerkules sang aga. Suno kay Dionilo Bogtae ang Sipalay CDRRMO coordinator napatuman na ang clearing operation.
10 naman ang gin-report nag kalaguba nga balay sa Bago City. 127 naman ang partially damaged houses kag 116 diri ang gikan sa Bago City.
Water supply sa La Castellana ang apektado kasunod sang pag kaguba sang linya sang local water district. Apektado ang mga 10,000 ka pumuluyo sa Barangay Robles sa amo nga banwa. Apektado man ang water source sang Brgy Sag-ang.
Nag panawagan man sang Martes si Bago City Mayor Marina Javellana-Yao nga naga kinahanglan ang Bago City sang tubig ilimnon.