Gin kinahanglan nga i-evacuate ang pila ka mga pumuluyo sa siudad sang Sipalay matapos ang natabo nga engkwentro sa tunga sang militar kag rebeldeng New People’s Army sang Sabado sang hapon.
Suno kay Dionilo Bogtae ang pamuno sang rescue, may masobra sa 100 ka mga pumuluyo ang gindala sa Gil Montilla Covered Court kag Patio-tio Day Care Center. Sa report sang CSWD Sabado sang gab-i 186 ka pumuluyo ang gin-evacuate ukon 47 ka pamilya.
Kapin sa 15 ka mga rebelde ang naengkwentro sang mga katapo sang 15th Infantry Battalion sa Sitio Tunap, Barangay San Jose, Sipalay City. Ang mga rebelde ang katapo sang South West Front Komiteng Rehiyon-Negros, Cebu, Bohol, Siquijor.
Naglawig sang 10 minutos ang engkwentro. Matapos ang engkwentro, narekober sang militar ang isa ka cal .45 pistol, homemade shotgun kag personal nga kagamitan.