5.5 billion Pesos ang proposed 2024 budget sang probinsya. Suno kay Negros Occidental Governor Eugenio Jose Lacson target nila nga ma submit ini sa Sangguniang Panlalawigan sa Oktubre.
Kun ipaanggid sa 2023 budget, mga 4 billion pesos nga mas mataas ang 2024 proposed budget.
Suno kay Negros Occidental Governor Eugenio Jose Lacson, nagsaka sa 280 million pesos ang National Tax Allotment sa probinsya para sa 2024. Sang 2023, 4.6 billion pesos ang NTA, sa 2024, 4.9 billion pesos na ini.
Ang pagsaka sa NTA ang gina abi-abi dala man sang pag-ayo sang collection sang pungsod sang 2021 kun ipaanggid sang tion nga nag igo ang pandemic. Mahimo nga sa 2025 pa suno kay Lacson tigayon nga makabalik sa 2019 nga ganar ang pungsod.
Ang local sources para sa 2024 budget naman ang nagsaka sa 10 million pesos kag ang maga gikan sa Economic Enterprise Development naman ang nagsaka sa 300,000 pesos. Pila sa mga infrastructure projects nga tutukan naman sa 2024 naga lakip sang farm to market roads, mga school buildings, kag sa bahin sang health mga basic services labi na ang nagbuhin na ang budget sa covid.