216 ang naka recover gikan sa COVID-19 sa probinsya sang Negros Occidental kahapon, Abril 27 sandig sa record sang Provincial Incident Management Team.
113 naman ang na record nga bag-o nga mga kaso.
Kun tayuyon nga mas mataas ukon mas madamo ang naga ka recover gikan sa virus ginalantaw ang pagnubo sa kadamuon sang kaso sang COVID-19 sa probinsya suno kay Zeaphard Caelian ang PIMT incident commander.
Sa April 27, 5pm nga datus 1,837 ang active COVID-19 cases sang probinsya.
Nagapabilin ang San Carlos City nga may pinaka madamo nga active cases – 270.
Na dagdag na sa lima ka LGU ang may tatlo ka 3-digit active cases.
Suno kay Caelian wala sang problema sa mga quarantine facilities bangud nga madamo man ang naga gwa matapos nga maka recover gikan sa virus. Pero padayon ang panawagan nga ipaiway anay ang mga dalagko nga pagtililipon para malikawan ang paglapta sang COVID-19.