Dugang nga onse ka mga pulis sa Bacolod City ang nagpositibo sa COVID-19.
Base sa pinaka ulihi nga report sang Bacolod Emergency Operations Center, may apat ka mga katapo sang Police Station 1 nga nagpositibo sa virus.
Apat man ang gikan sa Bacolod City Police Office, duha sa Bacolod City Mobile Force Company kag isa ka miembro sang PNP Contact Tracing Team.
Naglab-ot naman sa 15 ka mga pulis sa Police Station 4 ang nagpositibo sa virus.
Nagapadayon man ang pagpatigayon sang surveillance testing sa BCPO kag mga police stations.
Ginahatagan lang sang schedule ang mga pulis kun san-o magpa swab test agud nga indi maapektuhan ang ila pagreport sa duty.
Gin disinfect naman sang City Disaster Risk Reduction and Management Office ang napulo ka mga police stations sa Bacolod bilang kabahin sang ila preventive measures.
Nagapanugyan ang Bacolod EOC sa mga pulis nga bilang mga frontliners dapat sila nga maghalong kag magsunod sa minimum health protocols agud indi malatnan sang COVID-19.