Tigayon na nga na turn-over sa Land Transportation Office Region 6, Bacolod District Office ang bag-o nga building sini sa Manayawsayaw sa Barangay Mansilingan sa Bacolod City.
Tanan nga transaksyon sang LTO didto na patigayunon. Ang building nga gingastuhan sang probinsya kag natukod mismo sa isa ka ektarya nga propiedad sang probinsya ang gina lauman nga maga pa sulhay pa gid sang serbisyo sang LTO sa mga pumuluyo.
Suno kay Negros Occidental Governor Eugenio Jose Lacson, karon nga mas may dako nga talatapan gina paabot ang mas maayo nga delivery sang serbisyo.
Dinapit nga bisita amo sanday Atty Jose Arturo Tugade, LTO Asst Secretary kag USec Mark Steven Pastor sang Department of Transportation. Gin pahanumdom ang mga empleyado nga importante ang paghatag sang nagakaigo nga serbisyo labaw sa tanan.
Ginsiling naman ni Bacolod Mayor Albee Benitez nga ang mga informal settlers sa propieded ang ila nga hatagan sang nagakaigo nga atensyon.
Ang bahin naman sang dalan pasulod sa bag-o nga talatapan sang LTO suno kay Bacolod Representative Greg Gasataya, ang kaayuhon kag sementohon.
Samtang, nagahulat lamang sila sang go signal gikan sa Department of Budget and Management suno kay Gasataya bahin sa katumanan nga ma convert sa Negros Occidental Licensing Center sa uilihi ang talatapan sang LTO District Office.