Shadow

Availability sang First Lady ginhulat para sa mass wedding

May 2,053 na ang naka pa rehistro para sa mass wedding sang siudad sang Bacolod nga gina paabot sa sini nga bulan sang Marso.

Suno kay Bacolod Mayor Albee Benitez, nagkumpirma na si First Lady Liza Marcos nga maga tambong sa amo nga kahiwatan kag sa karon ginahulat sang siudad ang petsa sang availability sang first lady.

Nagsulat man sila sa presidente angut sa mass wedding nga gina paabot mangin pinaka dako sa mass wedding nga na patigayon sa siudad.

Pero suno kay Mayor Benitez wala pa sang sabat.

Indi lahog-lahog ang magkasal sang 2,023 ka mga pares nga amo target.

Subong, padayon pa ang pag finalize sini nga naga lakip sang venue.

Sa nag pa rehistro nga 2,053 ka mga pares, may buffer ang siudad kay indi man malikawan nga basi may mga indi maka tambong.

Magluwas sa kinaandan nga regalo sa mga ginakasal may ipanagtag man nga gift paagi sa raffle.

Secured By miniOrangeSecured By miniOrange