Gobernador Eugenio Jose Lacson ang naga laum nga sa tion nga mag biya ang bag-o nag pungko nga pamuno sang 303rd Brigade sang Philippine Army mas mangin malinong pa gid ang probinsya.
Sang Lunes nag bisita si Col Orlando Edralin kay Governor Lacson.
Sa amo nga courtesy visit suno kay Lacson, gina panginbulahan niya si Edralin sa iya sini nga bag-o nga assignment kag gina lauman niya nga kun mag abot naman gid ang tion nga mahuman sini ang iya nga trabaho bilang pamuno sang 303rd Brigade kuntani mas mangin malinong pa gid ang Negros Occidental sang sa sitwasyon sini karon.
Isa sa mando nga nabaton ni Edralin gikan sa pamunuan sang militar amo nga ipabilin kag paayuhon pa gid ang kampanya kag pursuit operation batuk sa rebeldeng New People’s Army nga sa karon ang nag huyang na.
Antes pa man nag pungko si Edralin, pila ka mga matag-as nga opisyal sang CPP/NPA ang na neutralize.
Nabungkag naman ang pila ka mga guerilla fronts.