Manokan Country sa Brgy 12 sa Bacolod City ginapaabot mahawanan batuk sa mga illegal structures antes matapos ang bulan sang Mayo. Magluwas sa mga illegal structures nga ginpang-guba sa Barangay 12, may anum pa ka mga baligyaan kag hayob-hayob sa nasakpan sang Barangay 10 malapit sa Manokan Country ang napangkakas na matapos ang clearing operation sang katapo sang City Legal Office enforcement team.
Ginsiling ni City Legal Officer Atty. Romeo Carlos Ting, Jr., nga ginabulubanta may 20 pa ka mga pamalay sa likod sang Manokan Country kag sa sulod sang Vendor’s Plaza ang wala makakas.
Gani magapadala sang truck ang siudad agud nga masuguran na sang mga illegal settler families nga apektado sang clearing operation ang paghakot sang ila mga pagkabutang pakadto sa na-award sa ila nga relocation area.
Ginapaabot ni Ting nga antes matapos ang bulan sang Mayo mahawanan na ang lugar agud masirad-an na ini sang SMPHI kag matigayon ang demolisyon sa Manokan.
Ang mga tenants ang magasaylo sa ginatapos karon nga temporary facility sang SM nga mangin rent-free sa sulod sang 18 ka bulan.