Patay ang isa ka mangunguma matapos gintiro sang wala pa natumod nga mga armado sa Sitio Bandera, Brgy. Bantayanon, banwa sang Calatrava, kahapon.
Suno sa PNP, ang biktima ginkilala nga si Vicente Daniel, 58 anyos.
Sa imbestigasyon sang Calatrava PNP, samtang nagakatulog sa iya kamalig ang biktima hinali lang nga gintiro sang makapila ka beses sang wala pa makilala nga persona.
Nakaangkon sang igo sang bala sa nagkailan-lain nga parte sang sa lawas ang biktima rason sa iya kamatayon.
Gindala si Daniel sa Calatrava Municipal Hospital apang gindeklarar nga dead on arrival.
Sa karon padayon pa ang ginapatigayon nga imbestigasyon sang PNP agud matumod ang suspetsado kag ang motibo sa krimen.