Guba na ang doorknob kag wala na ang pila sa ila mga pagkabutang, mga gadgets kag iban sang maabtan sang pamilya Bolivar ang ila balay sa Capitol Heights Subdivision sa Barangay Villamonte sang Agosto 17.
Ang masubo kay pati ang apat ka tuig nila nga hinuptanan nga isa ka shih tzu ang ginkuha man sang nakapalagyo nga kawatan.
Suno kay Rosel Bolivar, ulihi nila nga nahibaluan nga ginabaligya ang ila shih tzu nga si Kiki sa gwa sang isa ka mall sa downtown area sang Bacolod.
Upod sa katapo sang mga animal welfare group nagapanawagan siya karon sa sarang makabulig sa pag recover sang ila hinuptanan.
Suno kay Police Captain Francis Depasucat, commander sang Police station 4, may duha na ka mga persons of interest nga ila gina usisa sa natabo nga pagpangawat.
Kabahin diri ang menor de edad nga nakuhaan pa sang cctv sang ginsulod sini ang isa man ka balay kag ginkawatan sa amo nga subdivision sang nagligad nga semana.