Dead on arrival sa ospital ang mangunguma matapos gintiro sang makapila ka beses sa gwa sang iya balay sa Sitio Abo, Barangay Manlucahoc sa Sipalay City, Miyerkules sang gab-i.
Nakaangkon sang madamo nga igo sang bala si alyas "Conrad", 52-anyos, taga Brgy. Manlucahoc.
Naggwa sa imbestigasyon nga ginpalapitan sang armado nga lalaki ang biktima kag gintiro.
Ang pagpatay kay alyas "Conrad", gin-ako sang Armando Sumayang Jr. Command sang New People's Army.
Suno sa NPA, ang biktima nga ila ginkilala kay alias Gamay ang gin alegar makapila ka beses nga naghimulos sa iya kaugalingon nga anak sa sulod sang walo ka tuig, halin sang 12-anyos pa lang ang babaye tubtob subong nga tuig 2026 kun diin naga-edad na siya 20 anyos kag may bana na.*
[sibwp_form id=1]