Nagresulta sa kamatayon sang isa ka gina alegar katapo sang NPA ang sunod-sunod nga engkwentrohanay sang katapo sang 62nd Infantry Battalion sang Philippine Army kag New People’s Army sa pila ka mga barangay sa Canlaon City sa Negros Oriental sang Martes kag Huwebes.
Ginkumpirma sang army nga may isa ka patay sa bahin sang NPA sa bayluhanay sang lupok sa Sitio Guibawan, Barangay Bucalan sang Huwebes. Ginkilala ang napatay nga si alias Joemarie kag may nakuha man sa lugar ang isa ka M16 rifle kag mga bala.
Una na nga nagka enkwentrohanay ang mga rebelde kag pwersa sang militar sa Barangay Bianlbagan sa Canlaon sang Martes.
Nagapabilin ang pwersa sang army sa area kag padayon nga gina lagas ang kaupdanan sang napatay.*
[sibwp_form id=1]