Nagpatuman sang search warrant angut sa illegal possession of firearms ang katapo sang Silay City PNP sa Hacienda Hinalinan, Barangay Guimbalaon sa Silay City, kahapon, Miyerkules.
Gindakup ang subject sang warrant nga ginkilala kay alias “Tabing,” 51-anyos, isa ka mangunguma.
Nakumpiskar sang kapulisan ang isa ka 12-gauge magazine-fed Shooters Shotgun, isa ka magazine kag duha ka rounds sang mga bala.
Suno sa report, nag-apply sang search warrant ang kapulisan matapos makumpirmar sang intelligence operatives paagi sa surveillance ang report nga ang mangunguma, ang may indi lisensyado nga armas luthang.
Detained karon sa custodial facility sang Silay PNP ang subject.