Mananagat gikan Victorias City patay sa nagluntad nga strafing incident sa baybayon sang Cebu.
Gina-usisa na sang katapo sang Philippine Coast Guard ang gina alegar nagluntad nga strafing incident sa baybayon sang Sta. Fe, Cebu nga ginkamatay sang isa ka mananagat nga taga Victorias City kaina sang kaagahon.
Ginsiling ni Coast Guard Northern Negros Occidental Commander Jansen Benjamin nga ang fishing boat ang ginsakyan sang anum ka mga mananagat nga taga Barangay 3 sa Victorias, Negros Occidental.
Wala anay ginhingadlan sang Coast Guard ang biktima. Dugang ni Benjamin nga ang bangkay ang ara na sa Madridejos, Cebu.
Indi pa mapat-od kun mga katapo sang Bantay Dagat ang gina alegar responsable sa pagpaniro sa mga mananagat.