Yara na sa Korte Suprema ang pag desisyon bahin sa gin-file nga petisyon kontra sa pagpatuman sang Negros Island Region Act.
Suno kay Negros Occidental Governor Eugenio Jose Lacson, bisan sin-o man lamang ang sarang maka file sang reklamo kag ini ang yara na sa Korte Suprema ang pagdesisyon.
Mahimo nga ang panan-aw sang mga nag file sang petition kontra sa pagpatuman sang NIR nga sila ang “aggrieved” pero madamo man suno kay Lacson ang nagasiling nga makabanepisyo ang NIR sa tatlo ka probinsya.
Samtang, tubtob karon wala pa sang abiso nga nabaton ang gobernador bahin sa lagdaanay sa Implementing Rules and Regulation.
Anum ka mga pumuluyo nga gikan sa Negros Oriental kag Siquijor ang nag file sang petition naga kwestion sang NIR Act, ila gina hinyo ang pagpauntat sang pagpatuman sini.
Ila gina panindugan nga ang NIR unconstitutional.