Preparado na ang masobra 2,500 ka mga security personnel, halin sa mga pulis, army, Coast Guard, Bureau of Fire Protection kag mga barangay tanod para masiguro ang malinong kag matawhay nga highlights sang Masskara Festival.
Gani ginalauman ni Mayor Albee Benitez nga kuntani mangin maayo ang panahon kag mapaiway ang brownout para sa highlights sang selebrasyon.
Sa Sabado maga paindis indis ang 13 ka mga barangay sa electric masskara nga maga kick off sa The Upper East pakadto sa Bacolod City Government Center sa las sais sang gab i.
Ginapaabot man nga matambong si Presidente Ferdinand Marcos Jr kaupod ang iya pamilya sa streetdancing kag arena dance competition sa Paglaum Stadium sa Dominggo.
Magatakop man ang festival pinaagi sa mga concert kag street party sa Lacson Tourism Strip, Bacolod City Government Center kag Bacolod Public Plaza.