Magabukas na ang Mambukal Resort sa banwa sang Murcia bwas nga adlaw, Miyerkulas.
Mga fully vaccinated anay ang iga accommodate kag libre nga entrance ang gina tanyag sang probinsya.
Suno kay provincial administrator Rayfrando Diaz amat-amat lang.
50 lang anay ang iga accommodate. Ini man ang gina lantaw nga incentive sang probinsya para sa mga nag pabakuna. Sa mga kabataan nga naga pang edaron onse anyos paidalom pwede maka sulod basta ang ila nga guardian ukon ginikanan naka bakuna.
Pwede na ma enjoy sang mga maga bisita sa Mambukal ang mga amenities kasubong sang swimming pool, hot spring kag iban pa.
Sa ulihi ginalantaw sang probinsya ang pagbukas man para sa overnight stay kag bisan pa sa mga wala nabakunahan basta may ayhan may negative RT PCR test result ukon rapid antigen test.