Halos 8,000 ang nabaton nga application sang Commission on Elections sa probinsya sa sulod sang pito ka adlaw nga Voter’s Registration.
Sa Bacolod City, Suno kay Elections Officer, Kathrina Trinio-Cana, namutikan nila ang paghagan-hagan sa pilahay. 302 ang na record nga mga transaction sang COMELEC – Bacolod sa una na adlaw sang registration. Kahapon, indi na kasubong kalaba sang pila.
Suno kay Atty Trinio-Cana mga sulusobra 200 ang transaction nga na process. Padayon ang kampanya sang COMELEC para sa Voter’s Registration. Naka plastar naman ang mga satellite registration sang COMELEC – Bacolod, gani mahimo man suno kay Trinio-Cana nga ang iban imbes mag pila, magahulat sa shedule sang sattelite registration.
Samtang, sa Biyernes na, Pebrero 23, ang Registration Fair sang COMELEC. Ginahaylo sang COMELEC ang mga pumulyo sagwa sang Bacolod pero diri na naga eskwela ukon naga trabaho nga kuhaon ang higayon nga maka parehistro sa amo nga adlaw bangud mismo ang mga Election Officers sang nagkalain lain nga banwa kag siudad ang maga plastar sa SM City para magpatuman sang voter’s registration.