Tenants sa mga malls, ilabi na mga ginapatihan nagahimo sang mga peke nga public documents ginapa-usisa sang City Legal Office.
Nagapadayon tubtob karon ang mapping operation sang Integrated Task Force sang City Legal Office sa mga malls agud mapasiguro nga may business permit pati ang ila mga tenants.
Suno kay City Legal Officer Atty. Romeo Carlos Ting, Jr., kabahin sa ila ginapa-verify sa Business Permits and Licensing Office ang record sang mga tenants sang mall sa corner sang Araneta kag Luzuriaga kag sa dalan Gatuslao kun diin may mga printing services nga ginatudlo naga ubra sang peke nga permits,ids kag iban pa nga public documents.
Ang task force ang maga issue sang notice of violation sa mga negosyo nga malawig na nga naga operate pero tubtob karon on process gihapon ang business permit application.
Nagligad lang man nga tuig sang naka- issue sang notice of closure ang CLO sa masobra 140 ka mga commercial establishment nga wala sang permit.