Halos bente mil nga mga trabahante gikan sa tourism sector ang nag apply para sa financial assistance sa idalom sang Bayanihan 2 Act .
Suno kay Provincial Tourism Officer Jennylind Cordero, 19,575 ka mga trabahante gikan sa lima ka mga grupo gikan sa tourism sector ang nag apply kag ini sila ang na endorse na sa Department of Labor and Employment para sa 5000 nga cash assistance.
Suno kay Cordero, target nila ang 10,000 kag ini ang nalapawan nila.
Samtang, 73 percent ang gin nubo sang kadamuon sang mga turista nga nagpadulong sa probinsya sang 2020.
Sa datus sang Tourism Office gikan sa 16 ka mga LGU 232,899 ang overnight tourist sang 2020. sang 2019 858,995 ini.
Suno kay Cordero ang datus sa bilog nga kalibutan, 74 percent ang gin nubo sang tourist arrivals tuga sang pandemya.