Heat index sa Negros Occidental sini nga hapon ang nag dangat sa 39.6 degrees celsius.
Ini base sa gin-release sang La Granja Agrometeriological Station sa La Carlota City suno kay Irene Bel Plotena ang pamuno sang Provincial Disaster Risk Reduction Management Office.
Ang 33 to 41 degrees celcius extreme caution.
Nagakasayuran nga ang heat cramps kag heat exhaustion ang posible.
Ang padayon nga activity mahimo nga magpadulong sa heat stroke suno sa PAGASA.
Pila man ka mga lugar sa Visayas ang may heat index forecast subong nga adlaw nga yara sa extreme caution kaangay sang Iloilo City nga may 38 degrees celsius nga heat index, Roxas City 37 degrees celsius kag Dumangas, 36 degrees celsius.
Ang init nga gina batyag sang tawo indi lubos nga matakos gamit lamang ang air temperature.
Mas mapat-od ini kun mahatagan man sang konsiderasyon ang kapaang sang palibot ukon ang relative humidity.
Ini na ang gina tumod nga heat index.
Angut diri maid-id nga naga monitor ang Department of Health.
Naga abiso si Undersecretary Mary Ann Maestral nga mag inom sang tubig sa masami para malikawan ang dehydration.
Likawan man ang pag gwa sa mga balay pasado las 9 sang aga tubtob las 3 sang hapon.
Sa mga hypertensive dapat mas mag andam labi na nga indi malikawan ang pag saka pa gid sang blood pressure.
Mag pamayong kag mag tenir sa well ventilated area.