Magkahagugma patay matapos mabungguan sang truck ang ila nga motor sa siudad sang Kabankalan.
Patay sanday Antomark Cacho, 24-anyos kag ang nobya sini nga 17-anyos matapos mabungguan sang truck ang ila nga motor sa Purok Halimbawa, Brgy. Tapi siudad sang Kabankalan, pasado las 8 kaina sang aga.
Ang driver sang truck ginkilala sa kay Jonathan Gonzales, 45-anyos.
Suno sa kay Police Captain Joelan Vinzon ang Deputy Chief of Police sang Kabankalan City City PNP, naglapaw sa pihak nga lane ang truck gani nabunggo sa motorsiklo.
Bangud sa mabaskog nga pagkabunggo dead on the spot si Cacho samtang ginbawian sang kabuhi sa ospital ang menor de edad matapos nga ini ang malapakan sang truck.
Gilayon man nga nagsungka sa kapulisan si Gonzales kag ginahulat man sa karon ang desisyon sang pamilya ka mga biktima kung ini ang magapasaka sang kaso.