Shadow

Presyo sang baboy kag manok nagsaka

Pagsaka sa presyo sang baboy kag manok sa probinsya ang namutikan, pero klaro sang Office of the Provincial Veterinarian, ini ang normal bangud maga December na kag padulong sa holidays.

Ang pinaka mahal nga kilo sang manok yara sa Victorias, 235 pesos ang kilo.

Pinaka barato naman ang yara sa Bago City kag Moises Padilla, 190 pesos ang kilo.

Nagsaka man ang presyo sang baboy. Ang live weight sa Kabankalan nagsaka kag yara na sa 205 pesos ang kilo.

Ang presyo sa merkado sa Kabankalan yara sa 345 pesos ang kilo.

Sa merkado sa Bacolod suno kay Lemana naga average ini sa 345 pesos ang kilo. May mga baligyaan sa Bacolod nga ang kilo naga dangat sa 350 pesos.

May pila man nga naga baligya sa 360 pesos ang kilo. Paathag ni Lemana, mataas ang demand karon tuga sang mga okasyon.

Pero kun tulukon ang pagmahal sang mga inputs kasubong sang feeds ang naga impluwensya man sa presyo sang manok kag baboy.

Dugang pa ni Lemana ,ini man lamang ang tion nga makabawi man ang mga farmers.

“Kay damo mga parties, mga dressed chicken ang baboy naton, so grabe ang demand dira lang maka bawi bawi ang aton mga stakeholders”, suno kay Lemana.

Secured By miniOrangeSecured By miniOrange