Patay ang 21 anyos nga si Angelica Manansala kag ang iya 16 anyos nga himata nga amo ang nagadala sang motorsiklo matapos mag suhot sa idalom sang truck ang ila nga motor kahapon sa highway sa Barangay Cubay, siyudad sang La Carlota.
Sa imbestigasyon sang PNP, naga dalagan lang ang truck gikan sa city proper padulong sa Barangay La Granja sang hinali na lang mag lapaw gikan sa pihak nga lane ang motorsiklo kag nag suhot sa dalom sang truck kabangdanan nga sila ang nabunguan.
Suno pa kay Police Lt Col Jonel Guadalupe, posible naka inom ang mga biktima bangud sa nagapanimaho sila sang ilimnon suno sa mga nag rescue.
Gindala pa ang duha sa ospital pero gindeklarar nga dead on arrival.
Gin detain man sa La Carlota PNP ang driver sang truck.