Naglab-ot na sa 86 porsyento ang utilization capacity rate sang hospital sa Bacolod samtang nagapadayon ang pagsaka sang Covid-19 cases sa siudad suno kay Em Ang, Executive Director sang Bacolod Emergency Operation Center.
Ang Corazon Locsin Montelibano Memorial Regional Hospital ang yara naman sa maximum capacity para sa Covid-19 isolation beds.
Bisan ang pila ka mga private hospital ang indi man makadali dali batun sang pasyente ilabi na nga ginakulang ang mga isolation rooms para sa mga Covid patients.
Ang riverside medical center nagpa gwa man sang advisory nga tungod sang kakulang na sang medical personnel indi anay sila makabaton sang pasyente para sa ob pediatric cases, pre-term cases kag pediatric critical cases.
Ang mahinay nga pagturn over sang RT-PCR test result sang mga pasyente kag ang dugang nga pag inabot sang walk -in patient sa ospital ang kabangdanan kun ngaa indi estable ang situasyon ang ospital.
Bisan ang Bago City Hospital ang temporaryo nga indi man makabaton sang pasyente until further notice tungod wala na sang bakante kag presensya sang mga Covid- 19 patient bisan sa ila triange tents sa ospital.