Sa Domingo maga sugod ang probinsya sa pag panagtag sang construction materials sa Sipalay City.
Suno kay Negros Occidental Governor Eugenio Jose Lacson, kay nahatagan na sang lokal nga panguluhan sang financial assistance ang mga apektado sang bagyo, magabaton sila sang iban nga sahi sang bulig kasubong sang GI sheets – corrugated kag plain kag bisan pa food packs.
Ang ipanagtag sa Domingo ang donasyon gikan sa pribado nga sektor.
Luyag sang gobyerno probinsyal nga sa mas madali nga panahon mahatagan sang gilayon nga bulig ang apektado.
Indi pa sa karon magamit sang probinsya ang 90 milyones pesos nga pondo gikan sa National Housing Authority pending sang memorandum of agreement kag compliance sa ibang pa gid nga mga rekisitos, amo man ang 41 milyones pesos gikan sa Bureau of the Treasury pending sang guidelines.