Shadow

Maga abot nga AstraZeneca vaccines gamiton para sa second dose

Sa maga abot nga supply sang as AstraZeneca sa probinsya sa bulan sang Hulyo , mahimo nga ini ang igapain anay para sa mga nagahulat sang ila nga second dose.

Suno kay Dr Jessica Fama ang medical specialist 3 sang Provincial Health office, may naka schedule nga maga baton sang ila nga second dose sang AstraZeneca vaccine sumugod Agosto 5 tubtob 25.

Suno kay Fama, magluwas sa ginbakal sang probinsya nga AstraZeneca nga maga-abot ang 3,500 sini sa Hulyo 15, wala pa sang abiso kun san-o maga abot ang dugang pa gid nga supply sang AstraZeneca.

3 tubtob 12 weeks ang pagdapat sang second dose sang AstraZeneca vaccines.

Padayon man ang rollout subong sang first dose sang Sinovac vaccine, suno kay Fama, may napain na ang probinsya para sa second dose sang Sinovac vaccine sa mga yadtong nahatagan na sang first dose amo man ang para sa mga ginbakunahan sang first dose sang Pfizer vaccine.

Kaina, 3619 ka Sinovac vaccine ang gindul-ong sa 15 ka mga banwa kag siudad.

126,089 ka mga bakuna ang na-administer sang probinsya sa July 13 nga report sini.

Leave a Reply

Your email address will not be published. Required fields are marked *

Secured By miniOrangeSecured By miniOrange