Pamunuan sang Department of Health 6 gina rekomendar ang pagpabakuna sang pareho nga brand sang Covid 19 vaccine sa baylo nga i-mix ang doses sang bakuna.
Indi malipod nga bangud sang pila ka mga kabudlayan,kabahin diri ang kakulang sang supply sang Covid-19 vaccine, may pila ka mga indibidwal nga nakabaton na sang first dose sang bakuna ang nagatuyo magpabakuna sang lain nga brand sang vaccine sa ila nga second dose.
Suno kay Dr. Bea Camille Natalaray sang Department of Health 6, nagapabilin nga ila gina recommend ang pagpabakuna sang isa lang ka brand sang vaccine.
Pero pananglitan may yara sang nabakunahan sang lain nga brand sang Covid-19 makabig na ini nga amo ang ila nga second dose.
Ginsiling man ni natalaray nga sarang gihapon mabakunahan sang second dose ang mga persona nga maulihi sa gintalana nga schedule para sa ila ikaduha nga pagpabakuna.
Wala man sang rekomendasyon ang DOH angut sa dugang nga pagpabakuna sang extra dose ukon booster vaccine para sa mga fully vaccinated individual.