Shadow

Mag utod patay, tiya pilason matapos maka bunggo ang ila motor sa truck

Cadiz PNP photo

Patay ang mag utod nga Rolly kag Alvin Sapingala samtang pilason naman ang ila tiya nga si Lolita Daog matapos maka bunggo sang biyernes ang ila nga motorsiklo sa truck sa bahin sang Barangay Jerusalem sa siudad sang Cadiz.

Sa imbestigasyon sang Cadiz PNP, naglapaw sa pihak nga lane ang motor samtang naga liko sa kurbada nga bahin sang dalan gani nag head on ini sa truck nga kargado sang tubo.

Gindala pa sa ospital ang tatlo pero wala na makaluwas ang mag utod bangud sang impact sang pag bunggo. Padayon naman nga gina bulong ang tiya.

Na release naman sa custody ang driver sang truck bangud sa indi na mag pasaka sang kaso ang pamilya suno sa pulis kag sila ang nangayo na lang sang bulig pinansyal.

Leave a Reply

Your email address will not be published. Required fields are marked *

Secured By miniOrangeSecured By miniOrange