Mag-utod nga sanday Councilor Caesar kag Rosinie Distrito nanumpa kay Mayor Greg Gasataya.
Sa atubang sang ila mga supporters, nagpanumpa sanday Councilor Caesar Distrito kag Barangay Singcang-Airport Punong Barangay Rosinie Distrito kay Mayor Greg Gasataya sa Bacolod City Mayor’s Office kaina sang aga. Sa iya pagbalik sa konseho ginapaabot ni Distrito nga mangin masulhay ang tanan ilabi na nga mayorya sa ila ang katapo sang Asenso Bacolod.
Bwas maga-convene ang konseho nga pamunuan ni Vice-Mayor Claudio Puentevella kag ginapaabot ang pagtalana sang committee chairmanship. Gindugang ni Distrito nga temporary siya nga magapabilin bilang spokesperson ni Congressman Albee Benitez. Iya gin-anunsyo nga temporary anay nga maga-opisina ang kongresista sa Tent City sa sulod sang Mountain View Subdivision sa Barangay Mandalagan. Ini samtang gina-plastar pa ang iya mangin permanente nga opisina nga mas mangin mahapos makadtuan sang pumuluyo.