Ang LPA nga gina monitor sang PAGASA malapit sa Eastern Luzon ang may “medium” nga tsansa nga mangin isa ka bagyo sa sulod sang 24 oras pero gina lantaw ang posibilidad nga mahimo ini mangin isa ka bagyo sa masunod nga inadlaw.
As of 2pm may isa pa gid ka LPA nga nagporma sa gwa sang Philippine Area of Responsibility kag ini naman ang ginalantaw nga may mataas nga tsansa nga mangin isa ka bagyo sa sulod sang 24 oras.
Subong nga bulan sang Hulyo may duha tubtob tatlo ka bagyo ang gina paabot nga magsulod sa Pilipinas. Ini ang isa sa mga binulan nga may madamo nga bagyo nga naga sulod sa pungsod.
Kun i-base sa nagliligad ang tract sang bagyo mahimo magtabok sa Luzon ukon mag recurve pasaka.
Ang Luzon kag Visayas maka eksperyensya sang maulanon nga panahon sini nga semana dala sang LPA kag hangin Habagat.