Ginbawian sang kabuhi ang 15-anyos nga anak, samtang pilason ang iya 55-anyos nga amay matapos sila ang nabungguan sang pickup truck sa Barangay Marina, banwa sang Binalbagan, Huwebes sang kaagahon, Mayo 7.
Nag-gwa sa imbestigasyon nga padulong Hinigaran ang pickup samtang yara sa higad sang dalan ang mag-amay nga nagakay-o sang goma sang ila tricycle.
Suno sa 35-anyos nga driver sang pickup, nga taga Brgy. Talubangi sa Kabankalan City, nag-signal ini sa nagapadulong nga salakyan nga mag-switch sa low beam, apang nakibot ang mag-amay, gulpi nagtindog kag nag-untat sa ila gina-obra.
Rason nga nakibot man ang driver sang pickup kag nag-panic. Didto na kag iya nabungguan ang duha.
Nag-surrender naman ang driver sang pickup sa Binalbagan PNP.*
[sibwp_form id=1]