Ang P1 billion nga Negros Occidental Convention Center sa Silay City ang target nga mahuman sa ulihi nga mga binulan sang 2027 ukon sa una nga mga binulan sang 2028.
May gin pasalig naman nga pondo para sa pag paayo sang Bacolod-Silay Airport.
Ini ang gin-announce ni 3rd District Representive Javier Miguel Benitez sa mass graduation sang 2,065 ka scholars sang Technical Education and Skills Development Authority ukon TESDA sa Victorias City Coliseum sang kahapon, Mayo 7.
Suno kay Benitez maragtason ang kahiwatan, kay ini ang pinaka una nga tion nga ginpatigayon ang district-wide TESDA mass graduation ceremony.
Sa iya nga speech sa graduates ginsiling ni Benitez nga ang convention center nga may 6,200 capacity kag ang paayuhon pa gid nga airport ang maga dala sang dugang nga mga turista kag investment sa Third District, nga naga kasayuran sang pag bukas sang dugang nga trabaho para sa ila.
Ginsiling ni Benitez nga ang tiglikum sang Department of Transportation ang nag commit sang budget sa 2027 para sa improvement sang airport.
Iga extend ang runway kag padakuan ang terminal nga maka accommodate sang gikan sa 500, mangin 1,500 na.
Good Vibes Weekend: Museum para sa kids ang lagawan ta sa Tripping ni Roming kag palangabuhian sa mga biktima sang bagyo Tino naman ang istoryahan ta sa RU Agri-able?
[sibwp_form id=1]