Patay ang isa ka private school teacher samtang pilason ang duha ka driver sa pagbungguanay sang duha ka mga motor sa national highway nga sakop sang Barangay Marina sa banwa sang Binalbagan, Domingo sang gab-i.
Angkas sa motor ang napatay nga si alyas “Rhea”, 26-anyos, residente sang Brgy. 4 sa Isabela.
Samtang, pareho nga nakaangkon sang pilas ang mga driver sang duha ka mga imbulbado nga motor.
Nag-gwa sa imbestigasyon nga padulong sa Hinigaran ang motor nga ginasakyan sang maestra. Ginamaneho ini sang iya live-in partner nga si alyas “Joshua” 26-anyos.
Ang kontra nga motor, nga gina-drive ni alyas “Andre”, 50-anyos, ang gikan sa Brgy. Cambugsa kag pag-gwa sa highway sang natabo ang pagbungguanay.
Gindala ang tatlo sa Binalbagan Infirmary apang napatay ang maestra.
Ginsiling ni Captain Joelan Vinson, hepe sang Binalbagan PNP, nagapabilin sa ospital ang duha ka mga drivers.
Gikan ang maestra kag iya partner sa Sinulog Festival sa Kabankalan City sang matabo ang insidente.*
[sibwp_form id=1]