Sa malawig kag mabunok nga pag ulan sa sulod sang pila ka oras may mga dalanon nga ginbaha. May gas station nga nagkala huklab ang kisame.
Kaina sang aga tuman ka init sang panahon ugaling sang udto halos ma zero visibility na sa mga dalanon sa Bacolod sa wala untat kag mabunok nga pag ulan.
Sa Bangga Cory sa Barangay Taculing may pagdalum na sang tubig sa dalan.
Amo man sa may crossing sang Circumferential Road kag Burgos Street.
May isa ka gas station malapit sa Bacolod City Government Center nga nagkala huklab ang kisame.
May mga motorista nga na stranded bangud sang kakusog sang ulan. Sa weather advisory sang pag asa subong nga adlaw, wala sang bagyo, wala low pressure area kag wala man sang habagat. Duha lang ka weather system ang naga apekto sa Pilipinas, ang easterlies kag inter tropical convergence zone ukon ITCZ.
Ang easterlies ang naga apekto sa Visayas kag Luzon ang ITCZ naman ang naga apekto sa Mindanao.
Manami ang panahon sa Visayas kag Mindanao pero sa hapon may posible nga thunder storms.