LTO, HPG kag PDEA nag-check sa pila ka mga terminals sa bacolod city, bilang pagpanghanda sa pagdagsa sang mga pasahero para sa tigkalalag.
Tatlo ka adlaw antes ang Tigkalalag ukon Piyesta Minatay, nagpadulong ang katapo sang Land Transportation Office, Highway Patrol Group kag Philippine Drug Enforcement Agency sa mga terminals sang bus sa syudad sang Bacolod.
Pila sa mga gin-check nga terminals amo ang Ceres South Bound Terminal sa dalan Lopez Jaena, kag ang North Bound Terminal sa Barangay Bata.
Isa ini ka tikang sang LTO, HPG kag PDEA nga ipasiguro ang safety sang mga sumalakay, ilabi na nga ginalauman ang pagdagsa sang mga pasahero nga magapauli sini nga weekend agud nga makasindi sa ila mga nagtaliwan nga himata.
Ginpahayag sang PDEA nga posible may random drug testing nga patigayunon sa mga drivers sang pampubliko sang bus.*