Low pressure area naga dala sang ulan sa Visayas.
Ang low pressure area ang yara na sa Philippine Area of Responsibility, 145 km west northwest sang Butuan City, Agusan del Norte ukon sa kadagatan sang Garcia Hernandez, Bohol.
Suno sa PAGASA gamay ang tsansa nga mag develop ini sa isa ka bagyo kag posible nga matunaw subong nga adlaw.
Pero maga dala naman ini sang pag-ulan sa pila ka mga areas sa Visayas kag Mindanao.
Diri sa Negros maka eksperyensya sang magal-umon nga kalangitan nga may upod nga lapta-lapta nga pag-ulan kag pag panaguob dala sang localized thunderstorm.
Gina paandaman ang mga naga puyo sa nabukid nga bahin kag malapit sa mga sapa kag baybay nga mag aligmat sa posible nga pag baha kag landslide.