Road Closure ipatuman sa downtown area para sa natalan nga military parade sa Independence Day Celebration buas.
Sugod las 6 asta las 10 sang aga temporaryo nga ipatuman ang road closure halin sa corner sang Henares kag Araneta Streets asta sa dalan Rizal pakadto sa SM City mall sa reclamation area buas.
Ginsling ni Public Order and Safety Office head retired Police General Primitivo Tabujara, isa ka military parade ang patigayunon antes sang wreath laying activity sa Bacolod Pulic Plaza.
Kabahin ini sang pagdumdom sang 126th Independence Day sang pungsod nga ginapaabot buylogan sang linibo nga participans, nalakip diri kapulisan, mga city employees kag katapo sang academe.
Pagasundan ini sang programa sa mall.
Magluwas sa katapo sang Bacolod Traffic Authority Office, magatalana sang dugang nga personnel ang POSO agud magbulig sa mga motorista.