Love triangle ang ginatan-aw sang PNP nga motibo sa pagtiro sa 31 anyos nga tricycle driver sa Bacolod City sang Domingo.
Makita sa video nga kuha sang CCTV ang pag u-turn sang isa ka motorsiklo samtang naga tawag sa cellphone sa kilid sang dalan ang 31 anyos nga si Kim Ryan Canillo sa Barangay Alijis, Domingo sang hapon.
Lipod sa ihibalo sang biktima ang pagpanaug sang wala makilal an nga gunman nga naglipot kag nagtiro sa iya gamit ang wala mapat-od nga calibre sang pusil.
Suno kay Police Captain Elmer Bonilla, hepe sang Police Station 7, bulag sa iya asawa si Canillo kag may bag-o na ini nga babaye mga gina-upod.
Nagapati sila nga love triangle ang posible motibo sa pagpaniro.
Ini ang ika dose na nga insidente sang pagpaniro sa siudad sang Bacolod sini nga bulan sang Hunyo.
Kumpyansa naman ang PNP nga ila mapasakaan sang kaso ang person of interest nga ila ginapat-od responsable sa krimen.