Bag nga may unod nga cash kag mga cellphone nga nabilin sang pasahero gin uli sang empleyado sang Bacolod-Silay Airport.
Samtang nagapatigayon sang police visibility kag foot patrol ang personnel sang Bacolod-Silay Airport Station nga si Police Senior Master Sergeant Mervin cosio, gin turn-over ni Ryan Loyd Marquez, ang on duty nga baggage inspector, ang nabilin nga sling bag nga ginapanag-iyahan ni Augustin Calaguing, sang Barangay Mansilingan, Bacolod City kag pasahero nga magapadulong kuntani sa Manila.
Ang sling bag ang nabilin sa X-ray inital checkpoint kag naga-unod sang P13,000 nga cash, duha ka unit sang cellphone kag iban pa nga personal nga mga dokumento.
Natigayon ini nga nauli kay Calaguing ang bag antes siya naka biyahe.
Nagpasalamat naman si Calaguing sa personnel sang airport kag kay marquez bangud sa pagkatampad kag dedikasyon sang mga ini sa pagserbisyo sa iban nga tawo.