Ginkasugtan na sang Love Negros kag UnegA nga si La Carlota Councilor Julius Martin Asistio ang suportahan bilang presidente sang Philippine Councilors League – Negros Occidental.
Ini suno kay Governor Eugenio Jose Lacson nga nagsiling man nga maga sapol pa ang coalition para sa kumpleto nga line-up nga ila suportahan para sa PCL.
Sa karon si Silay City Councilor Ryan Gamboa ang naga pungko nga presidente sang PCL – Negros Occidental. Suno kay Lacson, sarang man nga mangin bise presidente si Gamboa kun luyag niya.
Ini ang position nga gina uyatan man sa karon ni Asistio. Pero suno kay Lacson iya na nga na suggest kay Vice Governor Jeffrey Ferrer nga mag pungko sila kaupod kay Gamboa para matalakay ang line-up.
Sa bulan sang Agosto ang piniliay.