Nagakaigo nga mag pungkuanay ang Love Negros kag United Negros Alliance para sa ila nga iga field nga kandidato sa pag ka gobernador sa 2028.
Ini suno kay Bacolod Congressman Alfredo Abelardo Benitez nga nagsabat man sa pamangkot nga kun enkaso nga mag papili sa pag ka gobernador ang anak nga si 3rd District Congressman Javier Miguel Benitez, iya nga suportahan ini.
Mainit ang ngalan nanday Second District Representative Alfredo Marañon, III sang UNegA kag Rep Javier Benitez para sa gubernatorial post.
Suno kay Congressman Albee sa ila nga ulihi nga pagsapol sa grupo, ila gin kasugtan nga mag pungko liwat, mag istorya kag mag hilisugot sa ila nga mangin manok. Indi man pwede nga isa lang ka persona ang maga decision bangud nga collective dapat suno sa iya.
Bukas man si Congressman Albee sa pag initiate sang istoryahanay ukon pwede man nga hinyuon si Governor Eugenio Jose Lacson sa pag patigayon sini. Sa interview sang media sang Hwebes kay Congressman Javi iya ginsiling nga wala man nagasabat sa iya nga pag pakig angut ang mga naga gwa nga ngalan.
Indi man luyag ni Cong Albee nga mag gwa nga daw prejudiced, nagapati siya nga bisan sin-o ang may yara sang kinamatarong nga mag papili. Mas madamo ang kandidato, mas madamo ang sarang mapilian sang mga botante. Sadto gani ginreklamo siya sa 888 suno sa iya, kun sa diin gin-alegar nga iya gin plastar ang tanan sa Bacolod para wala na sang kontrahanay.
Kun mag dayon papili ang anak suno kay Cong Albee indi niya ma deny nga buligan niya ini. Pero klaro niya yara pa lang sa tion nga gina desisyon pa ang tanan kag malayo pa ang 2028.
[sibwp_form id=1]