Cadiz Evacuation Center sa Cadiz Viejo, ang pangalanan sang siudad bilang Loreta V Alacre Evacuation Center.
Suno kay Cadiz City Mayor Salvador Escalante, Jr., ini sa pagkilala man kay Alacre nga tumandok sang amo nga lugar bilang Bagong Bayani sang siudad.
Si Alacre ang napatay sa kinagamo sa Israel. Suno sa alkalde iya ipatuhoy ini sa Sangguniang Panlungsod para matigayon ang amo nga lihok.
Yara sa sulod sang Cadiz Viejo National High School kun sa diin nag graduate si Alacre ang amo nga evacuation Center.
Samtang, gin turn-over na kahapon sa pamilya Alacre ang financial assistance nga tig 50,000 pesos gikan sa Department of Migrant Workers kag Overseas Workers Welfare Administration.
Personal nga nagbisita ang pamuno sang OWWA nga si Arnel Ignacio sa haya ni Alacre.
Suno kay Mayor Escalante wala niya mapat-od kun pila ang ginhtag sang DSWD kag ang DOLE naman may livelihood package.
Suno kay Escalante ang OWWA ang maga bulig sa scholarship sang apat ka hinablos nga gina pa eskwela ni Alacre.
Maga bulig man diri ang siudad.
Mahimo nga mabuligan man sang LGU hatagan sang trabaho ang utod nga lalaki ni Loreta kasubong man ang manghod nga OFW nga si Nelia, nga indi na mag balik sa Kuwait.