Patay ang 71 anyos nga si Bernardino Abad matapos maigu sang goma sang 6×6 nga truck sang Martes sa kilid sang highway sa Barangay Cabahug sa siudad sang Cadiz.
Sa imbestigasyon sang PNP, naga panglakaton lang sa kilid sang dalan si Abad sang maigu sang goma nga nakakas gikan sa naga dalagan nga truck.
Gindala pa sa ospital ang biktima pero wala na ini matabangan bangud sang naagum nga injury sa lawas.
Gin preso man ang driver sang truck pero naka gwa na ini matapos mag lapse ang reglementary period. Nag hatag naman sang bulig ang tag iya sang truck sa pamilya sang napatay.