Shadow

EOC: Wala pa sang may na record nga Delta variant sa Bacolod

Gin confirm sang Department of Health sa Western Visayas nga na detect sang Philippine Genome Center ang P.3 variant sa Bacolod sang Agosto 3.

Ini magluwas sa duha pa ka mga variants of concerns sa probinsya sang Negros Occidental gikan sa nakuha nga samples sang Hulyo 28.

Pero ginsiling ni Dr. Chris Sorongon, deputy for medical data and analysis sang Emergency Operation Center, wala sang dapat ika-alarma ang publiko bangud wala man sang na-record nga kumpirmado nga local transmission sang nasambit nga Covid-19 variant sa Bacolod.

Dugang pa ni Sorongon nga halos magkasubong nga makalalaton kag makamamatay ang mga nagkalain lain nga Covid-19 variant nga tuga sang mutation.

Maka alarma lang kun ang malatnan sang virus ang wala pa nakapabakuna.

Dinpa athag man sang department of health region nga ang Delta variant nga ila nadiskubrehan ang gikan sa Sitio Bacolod, Barotac sa Iloilo kag indi sa Bacolod City.

Leave a Reply

Your email address will not be published. Required fields are marked *

Secured By miniOrangeSecured By miniOrange